#ЖАРАЁН ҲУДУДИЙ ТРАНСПОРТ БОШҚАРМАЛАРИДА АВТОМАТЛАШТИРИЛГАН ДИСПЕТЧЕРЛИК ХИЗМАТЛАРИ ТАШКИЛ ЭТИЛАДИ

✅Ўзбекистон Республикаси Президентининг 2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида”ги ПҚ-59-сонли қарорининг 3-бандига асосан Навоий вилоятида 2024 йилда шаҳарларда автобус йўналишларининг янги тармоғи жорий этилишини, автоматлаштирилган тўлов тизими ва автоматлаштирилган диспетчерлик хизмати босқичма-босқич йўлга қўйилиши белгиланган.

✅Бугунги кунда Транспорт бошқармаси хузурида “Навоий йўловчи ташишни мониторинг ва назорат қилиш" давлат муассасаси ташкил этилган бўлиб, ушбу муассасада 2024 йилда автоматлаштирилган диспетчерлик хизмати фаолият олиб бориши режалаштирилмоқда.

✅Автоматлаштирилган диспетчерлик маркази Навоий вилояти Транспорт бошқармасида ташкил этилиб, 10 дан ортиқ иш ўринлари яратилади.

👉Навоий вилояти ҳокимлиги 
Ахборот хизмати🇺🇿