Congue iure curabitur incididunt consequat

МАРДЛАР ЖАСОРАТИ УЛУҒЛАНДИ

МАРДЛАР ЖАСОРАТИ УЛУҒЛАНДИ

Зарафшон шаҳрида Ўзбекистон Республикаси Қуролли Кучлари ташкил этилганининг 26 йиллиги ва Ватан ҳимоячилари кунига бағишланган байрам тантаналари кўтаринки руҳда бўлиб ўтди.

Тадбирлар шаҳар ҳокимлиги, давлат ва жамоат ташкилотлари томонидан Мотамсаро она ҳайкали пойига гулчамбарлар қўйиш билан бошланди.

Байрамнинг асосий тадбири шаҳардаги “Олтин водий” иажаният уйида бўлиб ўтди. Унда шаҳар жамоатчилиги, ҳудуддаги ҳарбий қисмлар хизматчилари, Қуролли Кучлар фахрийлари, ҳуқуқни муҳофаза қилиш идоралари, сиёсий партиялар вакиллари, маҳалла фаоллари ҳамда ёшлар иштирок этди.

Дастлаб, Ўзбекистон Республикаси Давлат мадҳияси янгради.

Шундан сўнг Зарафшон шаҳар ҳокими М.Базаров ва шаҳримиз ҳудудидаги Қоровул қўшинларига қарашли ҳарбий қисм бошлиғи, майор С.Пўлатов Ўзбекистон Республикаси Қуролли Кучлари ташкил этилганининг 26 йиллиги ва Ватан ҳимоячилари куни муносабати билан тантана иштирокчиларини байрам билан табриклади.

- Сизларнинг мамлакатимиз сарҳадлари ва давлат аҳамиятига молик муҳим объектларни, корхоналарни ҳушёрлик билан қўриқлашда кўрсатаётган фидойиликларингизни яхши биламиз, - деди шаҳар ҳокими. - Зеро, ана шу ишларингиз, фидокорона хизматларингиз билан Ватанимизнинг янада гуллаб-яшнашига муҳим улуш қўшмоқдасизлар. Барчангизни шаҳар ҳокимлиги номидан Ватан ҳимоячилари куни билан самимий муборакбод этаман. Миллий армиямиз куч-қудратини янада юксалтириш борасидаги ишларингизда улкан муваффақиятлар, хонадонларингизга бахт ва омонлик тилайман.

Шунингдек, бир гуруҳ ҳарбий хизматчилар ҳамда ҳуқуқ-тартибот органлари ходимларига шаҳар ҳокимлигининг фахрий ёрлиқлари ва қимматбаҳо совғалари топширилди.

Тадбирда шаҳримиздаги “Олтин водий” маданият уйи ҳамда “Юлдуз” маданият ва аҳоли дам олиш маркази қошида фаолият кўрсатаётган санъат усталарининг концерт дастури намойиш этилди.

Шу куни шаҳар жамоатчилиги вакиллари ўз хизмат бурчини бажариш вақтида ҳалок бўлган Томди тумани ички ишлар бўлими ходими М.Мусаев хонадонида бўлишди ва озиқ-овқат жамланмасини марҳумнинг турмуш ўртоғи Г.Мынхановага топширди.

- Турмуш ўртоғим билан фахрланаман, – дейди Г. Мынханова. - Тақдир экан, у кишидан эрта жудо бўлдик. У кишининг халқимиз осойишталиги йўлида қилган хизматлари шаҳар жамоатчилиги вакиллари томонидан эътироф этилиши бизга таскин бераётир.

Шаҳардаги барча масканлар ва ҳудудларда байрам тантаналари уюштирилди.

М.ҲУСАНОВ.

Суратлар муаллифи Д.БОБОМУРОДОВ.

скачать dle 11.1смотреть фильмы бесплатно

Ўхшаш янгиликлар