МАРДЛИК, БУРЧ ВА САДОҚАТ

МАРДЛИК, БУРЧ ВА САДОҚАТ

Хотира ва қадрлаш куни байрам тадбирлари Зарафшон шаҳрида ҳам кенг халқ оммаси иштирокида муносиб нишонланди.

Маълумотларга кўра, шаҳарда 4 нафар Иккинчи жаҳон уруши қатнашчилари давлатимиз ва халқимизнинг доимий эътибор ва ғамхўрлигидан баҳраманд бўлиб ҳаёт кечирмоқда. Президент фармонига кўра, уларга беш миллион сўмдан пул мукофоти ва давлатимиз раҳбарининг қимматбаҳо совғалари топширилди. Шунингдек, шаҳар ҳокимлиги, давлат ва жамоат ташкилотлари томонидан уруш ва меҳнат фахрийларига алоҳида ҳурмат-эҳтиром кўрсатилмоқда.

9 май куни эрта тонгдан Зарафшон шаҳридаги Мотамсаро она ҳайкали жойлашган маскан ҳар қачонгидан гавжум бўлди. Бу ерга Зарафшон шаҳар ҳокимлиги, ҳудуддаги ҳарбий қисмлар, ҳуқуқ-тартибот идоралари, давлат ва жамоат ташкилотлари раҳбарлари, Иккинчи жаҳон уруши қатнашчилари ва меҳнат фахрийлари, ёшлар, кенг жамоатчилик вакиллари жам бўлди.

Шаҳар ҳокими М.Базаров бошчилигида Мотамсаро она ҳайкали пойига гул қўйилиб, бугунги тинч ва осуда кунлар учун жон фидо қилган юртдошларимиз ёд этилди.

Тадбир давомида уруш ва меҳнат фахрийлари бир-бирлари билан дийдорлашиб, ёшлик йилларини эсладилар, бугунги кунлар учун шукрона айтиб, ёшларни тинчлик-осойишталик қадрига етиб яшашга даъват этдилар.

- Шу кунларга етказганига минг карра шукроналар айтамиз, – дейди “Ёшлик” маҳалласида яшовчи Екатерина Букина. – Бошимиздан кечирган уруш йиллари тарихда қолгани рост бўлсин. Бу йилги байрам арафасида давлатимизнинг жуда катта эътибори, ғамхўрлигидан баҳраманд бўлдик. Бунинг учун Президентимиздан миннатдормиз.

Ушбу майдонда ҳудуддаги ҳарбий қисмлар, ҳуқуқ-тартибот идоралари томонидан ҳарбий техникалар ва қурол-аслаҳалар кўргазмаси ўтказилди. Шунингдек, ва шаҳримиз спортчиларининг кўргазмали чиқишлари ҳам тўпланганларда катта таъсурот қолдирди. Фахрийлар ҳарбий ва спортчиларнинг жисмоний имкониятлари кўргазмаларини томоша қилдилар.

Шундан сўнг тадбирлар “Нуронийлар маскани”га кўчди.

Бу ерда “Нуроний” жамғармасига қарашли янгидан ишга туширилган “Нуронийлар маскани”нинг очилиш маросими ўтказилди.

- Президентимизнинг “Нуроний” жамғармаси фаолиятини такомиллаштириш ҳақидаги фармони билан мазкур “Нуронийлар маскани” бунёд этилди, – дейди “Нуроний” жамғармаси Зарафшон шаҳар бўлими раиси Ф.Сирожев. – Жумладан, “Жемчужная” дам олиш маркази ҳудудида шаҳримиз нуронийлари учун ана шундай маскан яратилди. Масканнинг нуронийларни соғломлаштиришга хизмат қилувчи спорт жиҳозлари, уларнинг маданий ҳордиқ чиқаришлари учун кутубхоналар ва номоз ўқишлари учун шароитларнинг яратилганидан бошимиз кўкка етди. Бу юртимизда ёши улуғ инсонлар давлатимизнинг доимий эътибор ва ғамхўрлигида эканлигининг яна бир ифодасидир.

Хотира ва қадрлаш куни тадбирлари доирасида мустақиллик йилларида хизмат бурчини бажариш чоғида ҳалок бўлган ҳарбий хизматчилар оиласидан хабар олиниб, ҳокимликлар ва ҳомийларнинг совғалари топширилди.

М.ҲУСАНОВ

МАРДЛИК, БУРЧ ВА САДОҚАТ

 

скачать dle 11.1смотреть фильмы бесплатно


© 2016 Зарафшон шахар хокимлиги
Ортга қайтиш