Muqaddas Ramozon oyida va yaqinlashib kelayotgan Nazro‘z bayramida shahrimiz bo‘ylab davom etayotgan obodonlashtirish ishlari insonlar qalbiga ko‘chib, mana shunday xayrli tadbirlarda yakka-yu yolg‘iz, ijtimoiy himoyaga muhtoj oilalar holidan xabar olish, ularning xonadonlari obodligiga o‘z hissasini qo‘shish, umumxalq xayriya hashari tadbirlarida hamjihatlik va birdamlik ko‘rsatilmoqda.
Zarafshon shahar hokimi Nazirbek Rahmanov, shahar prokurori Sh.Shernazarov, "Inson" ijtimoiy xizmatlar markazi, tegishli mutasaddilar "Konchilar" mahallasida nogironligi bor, ijtimoiy himoyaga muhtoj fuqaro xonadonida bo‘lishdi. Fuqaro holidan xabar olinib, oziq-ovqat mahsulotlari yetkazildi. Samimiy muloqotlar qilindi. Umumxalq hashari davomida mazkur fuqaro xonadonida hashar o‘tkazilib, tozalash, ta'mirlash ishlari olib borildi.
