Hurmatli prokuratura xodimlari va faxriylari!
Avvalo, siz aziz qonun posbonlarini 8-yanvar – O‘zbekiston Respublikasi prokuratura organlari xodimlari kuni bilan chin qalbimdan samimiy muborakbod etaman.
Adolatni, huquqni va tartibni saqlashda olib borayotgan mehnatingiz va fidokorligingiz juda muhimdir. Odamlarning qonunga ishonchi, huquqiy madaniyati va qonunga itoatkorligining shakllanishi ko‘p jihatdan fuqarolarning huquq va erkinliklariga rioya etilishi ustidan nazoratni tashkil etishdagi kasbiy mahoratingiz bilan bog‘liq.
Sizning ish faoliyatingiz, jamiyatimizda tinchlik va xavfsizlikni ta'minlashda, huquqiy va ijtimoiy barqarorlikni saqlashda katta rol o'ynaydi. Har biringizning sa'y-harakatlaringiz, fuqarolarimizning hayotini yaxshilashga xizmat qilmoqda.
Qadrli do’stlar!
Barchamizga ma’lumki, so‘nggi yillarda el-yurtimizning Konstitutsiyamizda mustahkamlangan huquq va erkinlarini ishonchli himoya qilishda, qonuniylikni ta’minlash, jinoyatchilikning oldini olishda prokuratura organlarining ahamiyati tobora ortib bormoqda.
Ayniqsa, xalq bilan ochiq muloqot qilish, aholi muammolarini chuqur o‘rganish va hal etish, inson huquq va erkinliklarini muhofaza qilish siz kabi soha fidoyilarining eng asosiy va kundalik vazifasiga aylandi.
Fuqarolik jasorati, qat’iyatlilik prinsiplarga sodiqlik, insonparvarlik prokuratura xodimlariga xos fazilatlardir. Sizning ishingiz katta mas’uliyat, fidoyilik, halollikni talab qiladi.
Shu munosabati bilan yurtimizda qonun ustuvorligini ta’minlashda o’z hissasini qo’shayotgan prokuratura organlarining barcha xodimlarini, ushbu bayram bilan samimiy tabriklayman!
Adolat va qonuniylik posboni bo‘lib, xalq manfaati yo‘lida haqiqiy himoyachi sifatida xizmat qilishingizda muvaffaqiyatlar tilayman!
Oilangizdan baxt, omad va totuvlik arimasin.
Bayramingiz muborak bo‘lsin!
Hurmat bilan Zarafshon shahar hokimi, Nazirbek Rahmanov