Xususan, hokim "Oila maskani"da bo'lib, uning faoliyat yo'nalishlari va ixtisoslashuvi bilan yaqindan tanishdi. Ushbu maskan ayollar uchun muhim ahamiyatga ega bo'lib, u yerda oilaviy munosabatlarni yaxshilash, xotin-qizlarga psixologik va tibbiy xizmatlar ko'rsatish, shuningdek, turli yosh guruhlari uchun ijtimoiy dasturlar amalga oshiriladi.
Nazirbek Rahmanov jarayonda maskandan yanada samarali foydalanish, uning imkoniyatlarini kengaytirish va maskanning faoliyatini rivojlantirish bo'yicha o'zining takliflarini bildirdi.
Shuningdek, shahar hokimi mahallada yangi ochilgan dorixonani ham ko'zdan kechirdi. Tadbirkor bilan uchrashib, uning faoliyati hamda istiqboldagi rejalari bilan tanishdi. Jarayonda hokim tadbirkorga zaruriy maslahatlar berib, uning takliflarini qo'llab-quvvatlashga tayyorligini bildirdi.
