25-sentabr kuni erta tongdan tegishli o‘quv signali bilan hamkorlikdagi qo‘mondonlik–shtab o‘quv mashqi boshlandi. Shundan so‘ng, Zarafshon shahar markaziy futbol o‘yingohi hududidagi chodirli shaharcha - HQSHO‘M boshqaruv organlari rahbarlari ishtirokida yig‘ilish bo‘lib o‘tdi.
Yig‘ilishda hamkorlikdagi qo‘mondonlik–shtab o‘quv mashqlarining bosqichlari, o‘tkazish tartibi va bajarilishi lozim bo‘lgan vazifalar bo‘yicha qo‘mondonlik–shtab o‘quv mashqi rahbariyati tomоnidan topshiriqlar berildi hamda shahar telekommunikatsiya bog‘lamasi, shahar elektr ta’minoti va "Zarafshonshahargaz" gaz ta’minoti korxonasining vaziyat bo‘yicha maʼlumoti hamda shahar hokimining qarori tinglandi.









