ZARAFSHON SHAHRIDA RO'ZADORLAR UCHUN IFTORLIK DASTURXONI YOZILDI
ZARAFSHON SHAHRIDA RO'ZADORLAR UCHUN IFTORLIK DASTURXONI YOZILDI
Muborak Ramazon oyi davomida Zarafshon shahrida ro'zadorlar uchun mеhr-muruvvat, saxovat tadbirlari amalga oshirilmoqda.
Jumladan, bugun shahar hokimligi tashabbusi bilan "Billur" tantanalar maskanida yozilgan iftorlik dasturxoniga 200 dan ziyod fuqarolar taklif etildi.
Ushbu iftorlik tadbirida Zarafshon shahar hokimi Nazirbek Rahmanov, sektor rahbarlari, mahalla faollari, nuroniylar, fuqarolar ishtirok etishdi.
Iftorlik dasturxoni atrofida yurtimizga tinchlik, oilalarimizga totuvlik, ro'zg'orlarimizga baraka tilab duolar qilindi. Hamda ro'zadorlar uchun dasturxonga milliy taom - osh tortildi.