AVF ETILGANLAR HOLIDAN XABAR OLINDI

O‘zbekiston Respublikasi Prezidenti Shavkat Mirziyoyev muborak Ramazon hayitini nishonlash arafasida xalqimizga xos ezgulik, bag‘rikenglik, insonparvarlik, mehr-oqibat va kechirimli bo‘lish kabi olijanob fazilatlarning yorqin ifodasi sifatida “Jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan bir guruh shaxslarni afv etish to‘g‘risida”gi Farmonni imzoladi.
Ushbu Farmonga ko'ra, Zarafshon shahridan ham avf etilgan shaxslarni muborak Ramazon hayiti arafasida yo'qlash, ular holidan xabar olish maqsadida shahar hokimi o'rinbosari Sevdiyor Uvaytov hamda IIB boshlig'i Sardor Latipovlar avf etilganlar xonadonida bo'lishdi.
Jarayonda ularning oila a'zolaridan hol-ahvol so'rab, Ramazon hayiti ayyomi munosabati bilan bayram sovg'alarini ulashdilar.
Shuningdek, kelgusida xatolarni takrorlamaslik, oilasi farovonligi uchun halol mehnat qilishi lozimligi haqida fikrlar bildirildi.