VATAN HIMOYACHILARI KUNI

Bugun, Mudofaa vazirligiga qarashli Zarafshon shahrida joylashgan harbiy qismda O‘zbekiston Respublikasi Qurolli kuchlari tashkil topganligining 33 yilligi hamda 14-yanvar - Vatan himoyachilari kuni munosabati bilan harbiy xizmatchilar uchun bayram tadbiri o‘tkazildi. 

✅Tadbirda dastlab harbiy qism komandiri tomonidan Vatanimiz tinchligi va osoyishtaligini saqlash yo‘lidagi shaxsiy namunasi, harbiy xizmat burchiga yuksak sadoqati, O‘zbekiston Respublikasi Qurolli kuchlari tashkil topganligining 33 yilligi hamda 14-yanvar - Vatan himoyachilari kuni munosabati bilan bir guruh harbiy xizmatchilarga tashakkurnoma va esdalik sovg‘alari topshirildi.

✅Tadbir davomida madaniyat markazi xonandalari tomonidan konsert dasturi namoyish etildi.

✅Shuningdek, tadbirda QVZ jamoasi tomonidan tayyorlangan sahna ko‘rinishlari harbiy xizmatchilarga bayramona kayfiyat ulashdi.