Muruntov mahalla fuqarolar yigʻinida navbatdagi sayyor qabul oʻtkazildi

Mahallabay tizim asosida har bir oʻtkaziladigan sayyor qabullar davomida fuqarolarning muammolari va takliflari atroflicha oʻrganilmoqda.

Bugun Zarafshon shahar hokimi Nazirbek Rahmanov tomonidan tegishli mutasaddilar ishtirokida navbatdagi sayyor qabul Muruntov mahallasida boʻlib oʻtdi.

Fuqarolar bilan oʻtgan ochiq va samimiy uchrashuvda har bir murojaat va takliflar birma-bir oʻrganildi. Xususan, yoshlarning bandligi, moddiy yordam koʻrsatish, uy-joy masalasi, shuningdek, boshqa  masalalarda joyida yechim topish uchun chora-tadbirlar koʻrildi.